١٠٠ فەلەستینی لە هێرشەکانی رژێمی سەهیۆنی بۆ سەر غەززە شەهید بوون
13 oC
13 oC
Güneşli
13 oC
Güneşli
لانیکەم ١٠٠ فەلەستینی لە هێرشەکانی دوێنێ بۆ سەر کەرتی غەززە لەلایەن رژێمی بکوژەوە کوژران کە ١٣ کەسیان لە خاڵەکانی دابەشکردنی یارمەتییەکان بوون.
سوپای رژێمی سەهییۆنی لە بەرەبەیانی دوێنێوە هێرشی هاوکات بۆ سەر ناوچە جیاجیاکانی کەرتی غەززە ئەنجام دەدات.
بەگوێرەی سەرچاوەکانی نەخۆشخانەکان، لە ئەنجامی هێرشەکەدا کە ماڵێک لە گەڕەکی شوجاعیە لە باشووری شاری غەززە کراە ئامانج، ١٢ فەلەستینی شەهید بوون و ژمارەیەکی زۆریش بریندار بوون. باری تەندروستی بەشێک لە بریندارەکان ناجێگیرە.
ماڵێکی دیکەی گەڕەکی شوجاعیە بۆردومان کرا و بەو هۆیەوە ٥ فەلەستینی دیکە شەهید بوون کە ٢یان منداڵ بوون.
لە ئاکامی هێرش سەر ماڵێک لە کەمپی پەنابەرانی شاتی لە ڕۆژئاوای شاری غەززە، چوار منداڵ شەهید بوون و ژمارەیەکی زۆریش بریندار بوون.
هێرشێکی دیکەی ئاسمانی کە ڕاستەوخۆ خەڵکی مەدەنی لە ڕۆژئاوای شارەکە کردە ئامانج، ٥ کەسی لێ شەهید بوون.
بەهۆی بۆردومانی ماڵێک لە ناوچەی کەرامە لە باکووری ڕۆژئاوای غەززە، ٥ فەلەستینی کە دایکێک و دوو منداڵەکەی لە نێویاندا شەهید بوون.
لە هێرشەکەدا بۆ سەر خاڵێک کە خەڵکی سڤیل لە ناوەندی شارەکەدا کۆبوونەتەوە، دوو کەس گیانیان لەدەستدا.
لە پەلاماری شارۆچکەی جیبالیا نەزلە لە باکووری کەرتی غەززە، ٣ فەلەستینی شەهید بوون.
لە ئەنجامی هێرشێکدا بۆ سەر ماڵێک لە باکووری کەمپی پەنابەرانی نوسەیرات لە دەڤەری ناوەڕاست شەش کەس شەهید بوون، هەروەها چوار کەسیش لە ماڵێکی دیکە کە لە دەیر بەلاح کرابووە ئامانج شەهید بوون.
لە هێرشەکەدا کە خەڵکی سڤیل لە شەقامی سەلاحەدین لە باشووری غەززە کە چاوەڕوانی یارمەتی بوون، کردە ئامانج، ٧ فەلەستینی شەهید بوون و ٢ کەسیان بە سەختی ١٨ کەسیش بریندار بوون.
٣ فەلەستینی لە هێرشێکی دیکەدا لە ڕۆژئاوای شاری رەفەح شەهید بوون و خەڵکی مەدەنی چاوەڕێی یارمەتیییان کردە ئامانج.
لەو هێرشانەی کە لە شاری خان یونس ئەنجام دراون، ٥ فەلەستینی شەهید بوون کە ٢ کەسیان چاوەڕێی یارمەتی بوون.
لە چەند کاتژمێری کۆتاییدا لە ئەنجامی هێرش سەر چەند ناوچەیەکی غەززە لانیکەم ٣٩ کەس شەهید بوون.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
دۆنالد ترامپ، سەرۆکی ویلایەتە یەکگرتووەکانی ئەمریکا بەرگری لە دۆسیەی گەندەڵی کرد کە لەدژی بنیامین نەتانیاهۆ سەرۆک وەزیرانی رژێمی سەهیۆنی تۆمار کراوە. ترامپ بە نەتانیاهۆ بە "قارەمان" ناوی بردووە، داوای هەڵوەشاندنەوەی دۆسیەکە یان لێی خۆشبوون کرد.
دابەشکردنی یارمەتییە مرۆییەکان کە لەلایەن ڕێکخراوە نێودەوڵەتییەکانی یارمەتی لە کەرتی غەززە پێشکەش دەکرێن، ئەمڕۆ دەستیپێکرد. لە کاتێکدا ئۆپڕاسیۆنەکانی دابەشکردن لە غەززە و باکوور بە سەلامەتی لە ژێر چاودێری هۆزە فەلەستینییەکان و لیژنە جەماوەرییەکاندا ئەنجام دەدرێن، هێرشێکی جددی بۆ سەر کاروانی هاوکارییەکان لە ناوچەی خان یونسی باشوور ئەنجام درا.
گروپێک جووڵەکەی داگیرکەر لە ژێر پاراستنی پۆلیسەکانی داگیرکەر هەڵکوتانە سەر مزگەوتی ئەقسا و چالاکییەکانی ئایینی ئیستیفزازیان ئەنجام دایەوە.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٦ هەزار و ٢٥٩ کەس و ژمارەی بریندارەکانیش گەشتە ١٣٢ هەزار و ٤٥٨ کەس.
